Last updated on May 9th, 2026 at 09:28 am
ಕಡಬ, ಮೇ. 09: ಕುಟ್ರುಪ್ಪಾಡಿ ಗ್ರಾಮ ಪಂಚಾಯತ್ ಸೀಮೆಡ್ ಪರಪುನ ಗುಂಡ್ಯ ಸುದೆತ ಕೊಲ್ಯದಕಟ್ಟ ಡ್ಯಾಂ ದ ಕೈತಲ್ ಮೀಯೆರೆ ಜತ್ತಿನ ಇರ್ವೆರ್ ವಿದ್ಯಾರ್ಥಿನಿಯೆರ್ ನೀರ್ಡ್ ಮುರ್ಕ್ದ್ ತೀರ್ದಿನ ನಡಕೆ ಕೋಡೆ ಶುಕ್ರವಾರ ಬಯ್ಯಡ್ ನಡತ್ದ್ಂಡ್.
ತೀರ್ದಿನ ಪೊಣ್ಣು ಜೋಕುಲೆನ್ ಕುಟ್ರುಪ್ಪಾಡಿ ಗ್ರಾಮೊದ ವಿಮಲಗಿರಿ ನಿವಾಸಿಲಾಯಿನ ಅರ್ಪಿತಾ(15) ಬೊಕ್ಕ ಸುನೀತಾ(21) ಪನ್ದ್ ಗುರ್ತ ಪತ್ತ್ದೆರ್. ರಜೆ ಇತ್ತಿನೆರ್ದಾವರ ದೋಸ್ತಿಲೆನ ಕೂಟೊದೊಟ್ಟುಗು ಸುದೆಕ್ ಬತ್ತಿತ್ತಿನ ಐವೆರ್ ಪೊಣ್ಣುಲು ಮೀಯೆರ ನೀರ್ಗ್ ಜತ್ತಿತ್ತ್ದ್, ಈ ಪೊರ್ತುಡು ಇರ್ವೆರ್ ನೀರ್ದ ಗಂತ್ ತೆರಿಯಂದೆ ಮುರ್ಕುದೆರ್.
ಒಟ್ಟುಗು ಇತ್ತಿನಕುಲು ಬದ್ಕಾಯೆರೆ ಪುನೆಂಡಲಾ ಸಾಧ್ಯ ಆವಂದೆ ದುರಂತ ನಡತ್ದ್ಂಡ್ ಪನ್ದ್ ತೆರಿದ್ ಬೈದ್ಂಡ್. ವಿಷಯ ತೆರಿನನೇ ಕಡಬ ಪೊಲೀಸೆರ್ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತಿತ್ತ್ದ್, ಕೈತಲ್ದಕಲೆನ ಸಕಾಯೊಡು ಮೃತದೇಹೊಲೆನ್ ಮಿತ್ತ್ ದೇರ್ತ್ದೆರ್.