Last updated on July 29th, 2026 at 10:22 am
ಉಬಾರ್, ಜು. 29: ಉಂತುದಿತ್ತಿನ ಟಿಪ್ಪರ್ದ ಪಿರವು ಮೆಯಿಕ್ ಒಂಜಿ ಕಾರ್ ಎಡ್ತ್ದ್ ಕಾರ್ಡ್ ಇತ್ತಿನ 4 ವರ್ಸ ಪ್ರಾಯೊದ ಬಾಲೆ ಸೇರ್ದ್ ಐವೆರೆಗ್ ಗಡಿಕುಲಾತಿನ ನಡಪು ಪೆರ್ನೆದ ಮೈರಕಟ್ಟೆ ಪನ್ಪಿನಲ್ಪ ಕೋಡೆ ಜು.28 ದಾನಿ ನಡತ್ದ್ಂಡ್.
ಕಾರ್ ಡ್ರೈವರ್ ಮೊಹಮ್ಮದ್ ಫಾರೂಕ್ (31), ಪ್ರಯಾಣಿಕೆರಾಯಿನ ಫಾತಿಮತ್ ತಸ್ಪಿಯಾ (25), ಜುಲೈಕಾ (52), ಮಹಮ್ಮದ್ ಅಫ್ವಾನ್ (15) ಬೊಕ್ಕ ಮಹಮ್ಮದ್ ಇಲ್ಹಾನ್ (4) ಗಡಿಕುಲಾತಿನಕುಲು. ಮೂಲತಃ ಫರಂಗಿಪೇಟೆ ದಕುಲಾಯಿನ ಮೊಕುಲು ಫರಂಗಿಪೇಟೆ ರ್ದ್ ಉಬಾರ್ದಂಚಿ ಪೋನಗ ಈ ನಡಪು ನಡತ್ದ್ಂಡ್. ಮೈರಕಟ್ಟೆ ಡ್ ಪೆರ್ಸಾದಿದ ಬರಿಟ್ ಉಂತುದಿತ್ತಿನ ಟಿಪ್ಪರ್ಗ್, ಕಾರ್ ಪಿರವುರ್ದ್ ಬತ್ತ್ದ್ ಎಡ್ತ್ದ್ಂಡ್. ಈ ಬಗೆಟ್ ಪುತ್ತೂರು ಸಂಚಾರಿ ಪೊಲೀಸ್ ಸ್ಟೇಶನ್ಡ್ ಪ್ರಕರಣ ದಾಕಲಾತ್ಂಡ್.