Last updated on August 3rd, 2026 at 10:11 am
ಉಬಾರ್, ಆ. 03: ನೇತ್ರಾವತಿ ಸುದೆಟ್ ನೀರ್‌ದ ಬೊಲ್ಲ ಎಚ್ಚ ಆತ್ಂಡ್, ಈ ನಡುಟು ಉಬಾರ್‌ದ ಮಠ ಪನ್ಪಿನಲ್ಪ ಗುರ್ತ ತಿಕ್ಕಂದಿನ ಆಂಜೊವುನ ಪುನ ತಿಕ್ಕ್ಂ‌ದ್ಂಡ್. ಬೊಲ್ಲದ ನೀರ್‌ಡ್ ಬತ್ತಿನ ಪುನ ಬೆದ್‌ರ್‌ದ ಪುಂಡೆಲ್‌ಡ್ ತಿಕ್ಕ್‌ದ್ ಬೂರ್ದಿತ್ತ್ಂಡ್. ಇಂದೆನ್ ತೂಯಿನ ಕೈತಲ್‌ದಕುಲು ಪೊಲೀಸೆರೆಗ್ ಒಲವು ಕೊರ್ತೆರ್. ಬೊಕ್ಕ ಪೊಲೀಸೆರ್ ಅಂಚೆನೇ ಕೈತಲ್‌ದಕಲೆನ ಸಕಾಯೊಡು ಪುನೊನು ಅಲ್ಪರ್ದ್ ದೆತ್ತ್‌ದ್ ಕರೆಕ್ ಪಾಡ್ದೆರ್.
ಪುನೊನು ಮರಣೋತ್ತರ ಪರೀಕ್ಷೆಗ್ ಆಸ್ಪತ್ರೆಗ್ ಕಡಪುಡ್ದೆರ್. ಪುನ ಒಂಜಿ ರಡ್ಡ್ ದಿನೊಕು ದುಂಬು ಸೈದಿನ ಸ್ಥಿತಿಟ್ ಉಂಡು. ತೀರ್ದಿನ ಆಂಜೊವು ಸುಮಾರ್ 30 ರ್ದ್ 40 ವರ್ಸ ಪ್ರಾಯೊದಾರ್ ಆದಿತ್ತ್‌ದ್, ಸರ್ರೊಡು ಪ್ಯಾಂಟ್ ಬೊಕ್ಕ ನಿಕ್ಕರ್ ಬುಡ್ಂಡ ಬೇತೆ ಒವ್ವೇ ಕುಂಟು ಇತ್ತಿಜಿ. ಈ ಬಗೆಟ್ ಮುಲ್ಪದಾರೇ ಆಯಿನ ಕೆ. ಮೊಹಮ್ಮದ್ ನಾಸೀರ್ ಮೇರ್ ಬರೆಪಾದಿನ ಒಯಿಲ್‌ದ ಪ್ರಕಾರ ಉಬಾರ್ ಪೊಲೀಸೆರ್ ಪ್ರಕರಣ ದಾಕಲ್ತೊಂದೆರ್. ತೀರ್ದಿನಾರೆನ ಗುರ್ತ ತಿಕ್ಕ್ಂಡ ಉಬಾರ್ ಪೊಲೀಸ್ ಸ್ಟೇಶನ್‌ 9480805362 ಗ್ ತೆರಿಪಾಯೆರ ಪೊಲೀಸ್ ಇಲಾಖೆ ಸಾರ್ವಜನಿಕೆರೆಡ ಬಿನ್ನಪು ಮಲ್ತ್‌ದೆರ್.