Last updated on September 18th, 2026 at 04:08 pm
ಕುಡ್ಲ. ಸೆ.18: 1956 ಟ್ ತುಳುನಾಡ್ನ್ ಅಪಗದ ಮೈಸೂರ್(ಇತ್ತೆದ ಕರ್ನಾಟಕ) ರಾಜ್ಯೊದೊಟ್ಟು ಗೋಡ್ಯಾಯಿಬೊಕ್ಕರ್ದಿಂಚಿಲಾ ತುಳುವೆರ್ ತನ್ಕುಲೆ ಪಾಕ ಕಾಯೆಸ್ಲೆನ್ ಕರ್ನಾಟಕೊದ ಎದುರು ದೀವೊಂದು ಬೈದೆರ್. ಆಂಡ ಎಚ್ಚಿನ ಕಾಯೆಸ್ಲ್ ಕಾಲಿ ‘ಮನವಿ, ಶೀಘ್ರದಲ್ಲೇ ಕ್ರಮ’ ಈತೆಕೇ ಉಂತುದು ಪೋದಿತ್ತ್ಂಡ್, ಒವುಲಾ ಕೋಡಿ ಎತ್ತೊಂದಿತ್ತಿಜಿ. ಕಾಲಿ ತುಳು ಸಾಹಿತ್ಯ ಅಕಾಡೆಮಿ ಮಲ್ಪರೆಲಾ ತುಳುವೆರ್ ಪಾಕ ಬಂಙ ಬರೊಡಾದ್ ಬೈದಿತ್ತ್ಂಡ್.
ಇನಿಕಾನಗ ಇಂಚಿನನೇ ಪಾಕ ಕಾಯೆಸ್ಲೆನ ನಡುಟು ತುಳುನಾಡ ರಡ್ಡ್ ಜಿಲ್ಲೆಲಾಯಿನ ಮಂಗಳೂರು ಬೊಕ್ಕ ಒಡಿಪುಡು ತುಳುಕುಲಾ ಅಧಿಕೃತ ಮಾನಾದಿಗೆ ತಿಕ್ಕೊಡು, ಸರಕಾರಿ ಕಚೇರಿಲೆಡ್ ತುಳು ಗಲಸುಲೆಕಾವೊಡು ಪನ್ಪಿ ಒಂಜಿ ಕಾಯೆಸ್ ಕೋಡಿ ಎತ್ತ್ದ್ಂಡ್. ನನ ನಮ ತುಳುವೆರ್ ಸರಕಾರಿ ಕಚೇರಿಲೆಡ್ ಸರಕಾರಿ ಸೇವೆಲೆನ್ ತುಳುಟೇ ಗೆತೊನೊಲಿ.