Last updated on September 26th, 2026 at 01:18 pm
ಕಡಬ, ಸೆ. 26: ಕಡಬ ತಾಲೂಕ್‌ದ ಆಲಂಗಾರ್‌ಡ್ ಬಾರೀ ಬೀಸಡ್ ಬತ್ತಿನ ಥಾರ್ ಗಾಡಿ ಒಂಜಿ ಬೈಕ್‌ಗ್ ಎಡ್ತ್‌ದ್ ಬೈಕ್ ಬುಡೊಂದಿತ್ತಿನಾರ್ ಅಲ್ಪನೇ ತೀರ್ದಿನ ನಡಪು ಕೋಡೆ, ಶುಕ್ರವಾರ ರಾತ್ರೆ ನಡತ್‌ದ್ಂಡ್.
ತೀರ್ದಿನಾರೆನ್ ಆಲಂಗಾರ್‌ದ ಲೋಕೇಶ್ ಗೌಡ ಪನ್ದ್ ಗುರ್ತ ಪತ್ತ್‌ದೆರ್.
ಬೈಕ್‌ಗ್ ಎಡ್ತಿ ಬೊಕ್ಕ ಥಾರ್ ಗಾಡಿದಾಯೆ ಗಾಡಿ ಉಂತಾವಂದೆ ಸೀದಾ ಪೋದಿತ್ತ್‌ದ್, ಮುಲ್ಪದನೇ ಒಂಜಿ ಇಲ್ಲದ ಕೈತಲ್ ಆ ಥಾರ್ ಗಾಡಿ ತಿಕ್ಕ್‌ದ್ಂಡ್. ಥಾರ್ ಡ್ರೈವರ್ ಆಲಂಗಾರ್‌ದ ಕೈತಲೇ ಒಂಜಿ ಬಾಡಾಯಿದ ಇಲ್ಲಡ್ ಇತ್ತಿನಾಯೆಗೆ. ಥಾರ್ ಗಾಡಿದ ಡ್ರೈವರ್ ಪದ್ರಾಡಾದಿತ್ತ್‌ದ್ ಆಯನ್ ಪೋಲೀಸೆರ್ ನಾಡೊಂದುಲ್ಲೆರ್ ಪನ್ದ್ ತೆರಿದ್ ಬೈದ್ಂಡ್.