17,000 ಫೀಟ್ ಎಪ್ಪರೊತ ಬ್ರುಮ್ ಖಾಂಗ್ಸೆ ಪರ್ವತೊನು ಮಿತ್ತರಿಯೆರ್ ತುಳುನಾಡ ಪೊಣ್ಣುಲು

Last updated on November 17th, 2026 at 12:02 pm

ಕುಡ್ಲ: ಚಿಮ ಚಿಮ ಚಳಿ, ನಡಪೆರಾವಂದಿ ಸಾದಿ, ದಮ್ಮು ದೆಪ್ಪೆರ ಆಮ್ಲಜನಕೊದ ಕುಂದೆಲ್ ಈ ಮಾತಾ ತಲೆಪುಲೆನ ನಡುಟು 17,000 ಫೀಟ್ ಎಪ್ಪರೊತ ಬಡಕಾಯಿ ಸಿಕ್ಕಿಂ ದ ಹಿಮಾಲಯ ಪರ್ವತ ಶ್ರೇಣಿದ ಪ್ರಮುಖ ಶಿಖರ ಬ್ರುಮ್ ಖಾಂಗ್ಸೆ ಪರ್ವತ ಬರ್ತ್‌ದ್ ಮಂಗಳೂರು ವಿಭಾಗೊದ ಆಜಿ ಜನ ಜಕ್ಕ್‌ದ ಎನ್‌ಸಿಸಿ ಕೆಡೆಟ್‌ನಕುಲು ಸಾದಗೊ ಬೆನ್ತೆರ್.

ಪೇಂಟೆದ ಸೈಂಟ್ ಆಗ್ನೆಸ್ ಕಾಲೇಜ್‌ದ ವಿದ್ಯಾರ್ಥಿನಿಯೆರ್ ಸೋನಲ್ ಜೆಸ್ಸಿಕಾ ಕ್ರಾಸ್ತಾ, ಲಿಖಿತಾ ಆ‌ರ್.ಕೆ., ಹೃತಿಷಾ ಡಿ. ಪೂಜಾರಿ, ಸೈಂಟ್ ಅಲೋಶಿಯಸ್ ಕಾಲೇಜ್‌ದ ವಿದ್ಯಾರ್ಥಿನಿಯೆರ್ ಅನ್ವಿತಾ, ಎ. ಎನ್. ತಂಗಮ್ಮ, ಆಳ್ವಾಸ್‌ ಕಾಲೇಜ್‌ದ ನವ್ಯಶ್ರೀ ಮೊಕಕಲು ಈ ಸಾದಗೊ ಬೆನ್ತಿನಕುಲು.

ವಿಶೇಷ ಮೂಲಭೂತ ಪರ್ವತಾರೋಹಣ ತರಬೇತಿ ಶಿಬಿರೊಡು ತುಳುನಾಡ ಜವನ್ದಿಯೆರ್ ಪಾಲ್‌ಪಡೆದ್ ಸಾದಗೊ ಬೆನ್ತೆರ್. ಸೆ. 23ರ್ದ್ ಅ. 20 ಮುಟ್ಟ ನಡತಿನ ತರಬೇತಿ ಕಾರ್ಯಕ್ರಮೊಡು ಕರ್ನಾಟಕ ಬೊಕ್ಕ ಗೋವಾ ನಿರ್ದೇಶನಾಲಯೊದ ಅಡಿಟ್ ಕುಡ್ಲದ 6 ಜನ ಸೇರ್ದ್ ಒಟ್ಟು 30 ಜನ ಅಜತ್ ಬತ್ತಿತ್ತೆರ್. ಇಂದೆಟ್ 15 ಜನ ಒಡಿಸ್ಸಾ ಬೊಕ್ಕ 15 ಜನ ಕರ್ನಾಟಕದಕುಲು ಇತ್ತೆರ್.

15 ದಿನೊತ ಬಂಙೊದ ಪರ್ವತಾರೋಹಣಡ್ 900 ಫೀಟ್, 12 ಸಾವಿರ ಫೀಟ್, 15 ಸಾವಿರ ಫೀಟ್ ಎತ್ತ್‌ನಗ ಕ್ಯಾಂಪ್ ಮಲ್ತೊಂದಿತ್ತೆರ್. ಪರ್ವತೊದ ಮಿತ್ತ್ ತಡೆಯೆರಾವಂದಿ ಚಳಿ ಬೊಕ್ಕ ಪ್ರತಿಕೂಲ ಹವಾಮಾನೊಗು ತಿಗಲೆ ಕೊರ್ಪುನು ಒಂಜಿ ವಿಶಿಷ್ಟ ಅನುಭವ ಪನ್ದ್ ಸೋನಲ್ ಕ್ರಾಸ್ತಾ ಮೇರ್ ತೆರಿಪಾದೆರ್.

Leave a Reply

Your email address will not be published. Required fields are marked *

Share
error: Content is protected !!