ಒಡಿಪು: ಪರ ಕರ್ಪಿಲ್ಲ್‌ಡ್ ಕುರಿದಿನ ಸ್ಥಿತಿಟ್ ತಿಕ್ಕ್ಂಡ್ ಗುರ್ತದಾಂತಿನ ಆಂಜೊವುನ ಪುನ!

Last updated on November 18th, 2026 at 09:24 am

ಒಡಿಪು, ನ.18: ಪೇಂಟೆದ ಪರ ತಾಲೂಕು ಕಚೇರಿದ ಕೈತಲ್ ಇಪ್ಪುನ ಪರ ಕರ್ಪಿಲ್ಲ್‌ಡ್ ಅಂಗಾರೆ ಆಂಜೊವು ಒರಿಯನ ಕುರಿನ ಪುನ  ತಿಕ್ಕ್‌ದ್ಂಡ್.

ಈ ಆಂಜೊವು ಸುಮಾರ್ 10 ದಿನೊಕು ದುಂಬು ತೀರ್ದುಪ್ಪೊಡು ಪನ್ದ್ ಅಂದಾಜಿ ಮಲ್ತ್‌ದೆರ್. ಆರ್ ಉಸಾರ್ ತತ್ತ್‌ದ್ ತೀರ್ದುಪ್ಪೊಡು ಪನ್ಪಿ ಅನುಮಾನೊಲಾ ಉಂಡು. ಆಂಡ ಆರೆನ ಪುದರ್ ಬೊಕ್ಕ ನುರಪು ನನಲಾ ತೆರಿದ್ ಬೈದಿಜಿ. ತೀರ್ದಿನಾರೆನ ಇಲ್ಲದಕುಲು ಅತ್ತ್ಂಡ ಸಂಬಂಧಿಕೆರ್ ಒಡಿಪು ನಗರ ಪೊಲೀಸ್ ಸ್ಟೇಶನ್‌ದ ನಾಗರಿಕ ಸಹಾಯ ಕೇಂದ್ರೊನು ಸಂಪರ್ಕ ಮಲ್ಪೆರೆ ತೆರಿಪಾದೆರ್.

ಪುನರ್ದ್ ಬಾರೀ ವಾಸನೆ ಬರೊಂದಿತ್ತ್‌ದ್, ಸಮಾಜ ಸೇವಕೆ ನಿತ್ಯಾನಂದ ಒಳಕಾಡ್ ಅವೆನ್ ಅಲ್ಪರ್ದ್ ದೆತ್ತ್‌ದ್ ಅಜ್ಜರಕಾಡ್‌ರ ಜಿಲ್ಲಾ ಆಸ್ಪತ್ರೆದ ಮರಣೋತ್ತರ ಪರೀಕ್ಷಾ ಕೇಂದ್ರೊಗು ಕೊನೊಯೆರೆ ಸಕಾಯ ಮಲ್ತೆರ್.

ಒಡಿಪು ನಗರ ಪೊಲೀಸ್ ಎಸ್‌ಐ ರತ್ನಾಕರ್, ಪೊಲೀಸ್ ಸಿಬ್ಬಂದಿ ಆನಂದ್ ಗಾಣಿಗ, ಎಲ್ಲಲಿಂಗ ಬೊಕ್ಕ ಪ್ರಸನ್ನ ಮೊಕಲೆನ ಒಟ್ಟುಗು ಜಾಗೆಗ್ ಬತ್ತ್‌ದ್ ಮಹಜರ್ ಪ್ರಕ್ರಿಯೆ ಮಲ್ತೆರ್.

Leave a Reply

Your email address will not be published. Required fields are marked *

Share
error: Content is protected !!