Last updated on November 17th, 2026 at 09:50 am
ಪುತ್ತೂರು, ನ. 17: ಸಾದಿ ಕಡತೊಂದುಪ್ಪುನಗ ಬೈಕ್ ಎಡ್ತ್ದ್ ಗಾತಿದ ಗಡಿಕುಲಾದಿದ್, ಹೋಟೆಲ್ ಸಪ್ಲಾಯರ್ ಒರಿ ತೀರ್ದಿನ ನಡಪು ನವೆಂಬರ್ 16 ತ ರಾತ್ರೆ ನಡತ್ದ್ಂಡ್.

ತೀರ್ದಿನಾರೆನ್ ವಿಜಯಪುರ ಜಿಲ್ಲೆದ ಬಾಗೇವಾಡಿ ನಿವಾಸಿ ಸಂಗನಗೌಡೆ ಪನ್ಪಿನಾರೆನ ಮಗೆ ಚಂದ್ರಶೇಖರ ಸಂಗನಗೌಡ (32) ಪನ್ದ್ ಗುರ್ತ ಪತ್ತ್ದೆರ್. ಮೇರ್ ಪುತ್ತೂರ್ದ ಹರಿಪ್ರಸಾದ್ ಹೋಟೆಲ್ಡ್ ಸಪ್ಲಾಯರ್ ಆದ್ ಬೆನೊಂದಿತ್ತೆರ್.
ನ.16 ತ ರಾತ್ರೆ ಹೋಟೆಲ್ದ ಬೇಲೆ ಮುಗಿತ್ದ್ ಪಿದಯಿ ಪೋದಿತ್ತಿನ ಚಂದ್ರಶೇಖರೆ ಹೋಟೆಲ್ದ ಕೈತಲ್ ಸಾದಿ ಕಡಪುನಗ ಒಂಜಿ ಬೈಕ್ ಬತ್ತ್ದ್ ಎಡ್ತ್ದ್ಂಡ್. ಎಡ್ತಿನ ಬರಸ್ಗ್ ಗಾತಿದ ಗಡಿಕುಲಾದ್ ಆರ್ ತೀರ್ದೆರ್. ಬೈಕ್ ಬುಡೊಂದಿತ್ತಿನ ಜನಕ್ಲಾ ಗಡಿಕುಲಾದಿತ್ತ್ದ್, ಆ ಜನ ಸೆಲೂನ್ ಸಿಬ್ಬಂದಿ ಪನ್ದ್ ತೆರಿದ್ ಬೈದ್ಂಡ್.