Last updated on November 19th, 2026 at 10:48 am
ನವೆಂಬರ್ 19: ಅರಿತ ರೇಟ್ ಎಚ್ಚ ಆಯಿನೆರ್ದಾವರ ಮಂಡೆಬೆಚ್ಚಡ್ ಇತ್ತಿನ ಗಿರಾಕಿಲೆಗ್ ಇತ್ತೆ ಒಂತೆ ಸಮಾಧಾನ ಆಪಿನ ಸುದ್ದಿ. ಮಾರ್ಕೆಟ್ಡ್ ಪೊಸ ಸೋನಾ ಮಸೂರಿ ಅರಿತ ರೇಟ್ ಮಸ್ತ್ ಜತ್ತ್ದ್ಂಡ್. ದುಂಬು ಕೆಜಿಗ್ ₹80 ರ್ದ್ ₹90 ಮುಟ್ಟ ಇತ್ತಿನ ಅರಿತ ಬಿಲೆ ಇತ್ತೆ ₹65- ₹70ಕ್ಕೆ ಮುಟ್ಟ ಜತ್ತ್ದ್ಂಡ್. ಪನ್ಡ, ಪ್ರತಿ ಕೆಜಿಗ್ ಸುಮಾರ್ ₹10 ರ್ದ್ ₹20 ಮುಟ್ಟ ರೇಟ್ ಕಮ್ಮಿ ಆತ್ಂಡ್.

ಅರಿತ ರೇಟ್ ಜಪ್ಪೆರ ನೆವನ ದಾದ?
ಬಾರ್ದ ಸಪ್ಲೈ ಕಮ್ಮಿ ಆದಿತ್ತಿನೆರ್ದಾವರ ಕರಿನ ಕೆಲ ದಿನೊರ್ದು ಅರಿತ ಬಿಲೆ ಏರ್ದಿತ್ತ್ಂಡ್. ಆಂಡ, ಇತ್ತೆ ಮಹಾರಾಷ್ಟ್ರ ಬೊಕ್ಕ ತೆಲಂಗಾಣೊರ್ದು ಬಾರ್ದ ಸಪ್ಲೈ ಎಚ್ಚ ಆತ್ಂಡ್. ಕೆಯಿತ ಕಟಾವು ಮುಗಿದ್ ಮಿಲ್ಲೆಗ್ ಎಚ್ಚಿಗೢ ಪ್ರಮಾಣೊಡು ಬಾರ್ ಬರೊಂದುಪ್ಪುನೆರ್ದಾವರ ಮಾರ್ಕೆಟ್ಡ್ ಅರಿತ ರೇಟ್ ಜತ್ತ್ದ್ಂಡ್.
ಅರಿತ ರೇಟ್ ಏರ್ದಿನ ಪೊರ್ತುಡು ಕ್ವಿಂಟಾಲ್ಗ್ ಸುಮಾರ್ ₹8,500 ಇತ್ತಿನ ರೇಟ್, ಇತ್ತೆ ₹6,500 ಗ್ ಜತ್ತ್ದ್ಂಡ್. ಈ ಮುಕೇನ ಕ್ವಿಂಟಾಲ್ ಅರಿಕ್ ₹2,000 ಕಮ್ಮಿ ಆತ್ಂಡ್.