Last updated on May 9th, 2025 at 10:29 am
ವ್ಯಾಟಿಕನ್ ಸಿಟಿ, ಮೇ. 09: 132 ಕಾರ್ಡಿನಲ್ಸ್ ಪಾಲ್‌ಪಡೆದಿತ್ತಿನ ಕಾಂಕ್ಲೇವ್‌ಡ್ ಕ್ರೈಸ್ತೆರೆ ಪೊಸ ಪೋಪ್ ಆದ್ ಕಾರ್ಡಿನಲ್ ರಾಬರ್ಟ್ ಫ್ರಾನ್ಸಿಸ್ ಮೆರೆನ್ ಅಜತ್‌ದೆರ್. ವಾಟಿಕನ್ ಸಿಟಿಟ್ ಇಪ್ಪುನ ಸಿಸ್ಟೀನ್ ಚಾಪೆಲ್ ಚಿಮಿಣಿರ್ದ್ ಬೊಲ್ದು ಪುಗೆ ತೋಜಿಲೆಕನೆ ಸೇಂಟ್ ಪೀಟರ್ಸ್ ಸ್ಕ್ವೇರ್‌ಡ್ ಸೇರ್ದಿತ್ತಿನ್ ಕ್ರೈಸ್ತ ವಿಶ್ವಾಸಿಲು ಪೊಸ ಪೋಪ್ ಅಜತ್ ಬತ್ತಿನ ಕುಸಿಟ್ ಸಂಭ್ರಮಿತೆರ್.
ಪೊಸತಾದ್ ಅಜತ್ ಬೈದಿನ ಪೋಪ್ ರಪಕ್ಕ ಸಾಂಪ್ರದಾಯಿಕ ಪಾಪಲ್ ಕುಂಟು ಪಾಡೊಂದು, ಆರೆನ ಪವಿತ್ರ ಕಚೇರಿಗ್ ಸಾಂಕೇತಿಕವಾದ್ ಪಜ್ಜೆ ದೀಯೆರ್. ಪೆರಿಯ ಕಾರ್ಡಿನಲ್ ಡಿಯಕನ್ ಸೇಂಟ್ ಪೀಟರ್ಸ್ ಬೆಸಿಲಿಕಾದ ಕೇಂದ್ರ ಬಾಲ್ಕನಿಡ್ ಐತಿಹಾಸಿಕ ಧಾರ್ಮಿಕ ಘೋಷಣೆ ಲೆತ್ತೊಂದು ಪಿದಯಿ ಬತ್ತೆರ್.
“ಹ್ಯಾಬೆಮಸ್ ಪೋಪಮ್” (ನಮಕ್ ಪೋಪ್ ಉಲ್ಲೆರ್) ಪನ್ಪಿನ ಘೋಷಣೆ ಕೇನೊಂದಿತ್ತಿಲೆಕನೆ ಪೊಸ ಪೋಪ್ ಅವರ ಪುಟ್ಟುಪುದರ್ ಬೊಕ್ಕ ಆರ್ ಅಜತಿನ ಪಾಪಲ್ ಪುದರ್‌ನ್ ಲೆತ್ತ್ ಪನ್ಡೆರ್. ಸಾಂಪ್ರಾದಯಿಕ ಧಾರ್ಮಿಕ ಕಟ್ಟ್‌ಲೆನ್ ಕರಿತ್‌ದ್ ಪೊಸ ಪೋಪ್ ಸಾರ್ವಜನಿಕೆರೆ ಎದುರು ಬತ್ತೆರ್. ಉಂದೆನ್ ‘ಉರ್ಬಿ ಎಟ್ ಓರ್ಬಿ’ (ನಗರ ಬೊಕ್ಕ ಲೋಕೊಗು) ಪನ್ದ್ ಪನ್ಪೆರ್.