Last updated on August 11th, 2025 at 05:25 pm
ಬೆಳ್ತಂಗಡಿ, ಆ. 11: 39 ವರ್ಸೊಗು ದುಂಬು ಅಸಹಜವಾದ್ ಸೈದಿನ ಪದ್ಮಲತಾನ ಇಲ್ಲದಕುಲು ಎಸ್ಐಟಿ ನ್ ಇನಿ, ಸೋಮವಾರ ಭೇಟಿ ಆದಿತ್ತ್ದ್, ಪ್ರಕರಣೊನು ಕುಡ ಜಡ್ತೆ ಮಲ್ಪೊಡು ಪನ್ದ್ ಕಾಯೆಸ್ ಮಲ್ದೆರ್.
ಸಂತ್ರಸ್ತೆದಿನ ಪಲಿ ಇಂದ್ರಾವತಿ, ಸಿಪಿಎಂ ಮುಖಂಡೆ ಬಿ.ಎಂ. ಭಟ್ ಬೊಕ್ಕ ಒಂತೆ ಜನ ಬೊಲ್ತೇರ್ಡ್ ಇಪ್ಪುನ ಎಸ್ಐಟಿ ಕಚೇರಿಗ್ ಬತ್ತ್ದೆರ್. ಪೆರಿಯ ಎಸ್ಐಟಿ ಅಧಿಕಾರಿಲು ಸ್ಟೇಶನ್ಗ್ ಬತ್ತಿನೇ ಒಯಿಲ್ ಬರೆಪಾವ ಪನ್ದ್ ಅಕುಲು ಪನ್ತೆರ್.
ಕುಡುಮದ ಬೋಳಿಯಾರ್ ನಿವಾಸಿ ಪದ್ಮಲತಾ ಮೇರೆನ್ 1986ಟ್ ಅತ್ಯಾಚಾರ ಮಲ್ತ್ದ್ ಕೆರ್ದಿತ್ತೆರ್.
ದುಂಬು ಧರ್ಮಸ್ಥಳ ಗ್ರಾಮೊಡು ನಡತಿನ ಅಪರಾಧೊಲೆಗ್ ಸಂಬಂಧಿತ್ದ್ ಪಾಕ ಪುನೊಕುಲೆನ್ ಕೌಂತ್ದೆ ಪನ್ದ್ ಆಂಜೊವು ಒರಿ ಆರೋಪ ಮಲ್ತಿ ಬೊಕ್ಕ ಎಸ್ಐಟಿ ಉಂಡು ಮಲ್ತಿತ್ತೆರ್. ಈ ಕೂಟ ಜಡ್ತೆ ಮಲ್ತೊಂದಿತ್ತ್ದ್, ಇಂಚಿಪ ಬೊಲ್ತೇರ್ಡ್ ಪೊಲೀಸ್ ಸ್ಟೇಶನ್ದಾತೆ ಸ್ಥಾನಮಾನೊದ ಬೇತೆನೇ ಎಸ್ಐಟಿ ಕಚೇರಿನ್ ಉಂಡು ಮಲ್ತ್ದೆರ್.