Last updated on September 9th, 2025 at 08:07 am
ಕುಡ್ಲ, ಸೆ. 09: 14 ವರ್ಸ ಪ್ರಾಯೊದ ಪೊಣ್ಣು ಬಾಲೆ ಒರ್ತಿ ಅಪಾರ್ಟ್ಮೆಂಟ್ದ ಟೇರೆಸ್ರ್ದ್ ಲಾಗಿದ್ ಆತ್ಮಹತ್ಯೆ ಮಲ್ತೊಂದಿನ ನಡಕೆ ಮುರಾನಿ ನಡತ್ದ್ಂಡ್.
ತೀರ್ದಿನ ಪೊಣ್ಣನ್ ಉತ್ತರ ಪ್ರದೇಶ ಮೂಲೊದ, ಇತ್ತೆ ಬಜಿಲಕೇರಿ ನಿವಾಸಿ ಆದುಪ್ಪುನ ಖುಷಿ (14) ಪನ್ದ್ ಗುರ್ತ ಪತ್ತ್ದೆರ್. ಮೋಲು ಪೇಂಟೆದ ಪ್ರೈವೇಟ್ ಇಂಗ್ಲಿಷ್ ಮೀಡಿಯಂ ಶಾಲೆಡ್ 9ನೇ ಕ್ಲಾಸ್ ಕಲ್ತೊಂದಿತ್ತಲ್. ಸೆಪ್ಟೆಂಬರ್ 7ತಾನಿ ಮಧ್ಯಾಹ್ನ ದೇಲಂತಡೆಗ್ ಪೋದಿತ್ತಿನ ಖುಷಿ, ಬೊಕ್ಕ ತನ್ನ ಪಲಿ ಬೊಕ್ಕ ದೋಸ್ತಿನ್ ಅಪಾರ್ಟ್ಮೆಂಟ್ದ ಟೇರೆಸ್ಗ್ ಪೋಯಿ ಎಂದು ಲೆತೊಂದು ಪೋತಲ್. ಅಲ್ಪ ಅಕ್ಲೆಡ ಪಾತೆರೊಂದಿತ್ತಿಲೆಕನೆ, ಅಕ್ಲೆನ ಕಣ್ಣೆದುರುಡೇ ಟೇರೆಸ್ರ್ದ್ ಲಾಗಿದಲ್. ಗಾತಿದ ಗಡಿಕುಲಾದಿತ್ತಿನ ಖುಷಿನ್ ಅಪಾರ್ಟ್ಮೆಂಟ್ ನಿವಾಸಿಲು ಪ್ರೈವೇಟ್ ಆಸ್ಪತ್ರೆಗ್ ದಾಕಲ್ತ್ದೆರ್. ಆಂಡ ಆಲ್ ಮರ್ದ್ ಪಲಿಪಂದೆ ತೀರ್ದಲ್ ಪನ್ದ್ ಬಂದರ್ ಸ್ಟೇಶನ್ ಪೊಲೀಸೆರ್ ತೆರಿಪಾದೆರ್.
ಖುಷಿ ಎಡ್ಡೆ ಓದೊಂದಿತ್ತಿನ ಪೊಣ್ಣು ಆದಿತ್ತ್ದ್, ಎಡ್ಡೆ ಅಂಕೊಲಾ ಗೆತೊನೊಂದಿತ್ತಲ್. ಎಡ್ಡೆ ಮಾರ್ಕ್ ತಿಕ್ಕೊಡು ಪನ್ದ್ ರಾತ್ರೆ ಮುಟ್ಟಲಾ ಓದೆದಲ್. ಇಂಚಿಪ ಒವ್ವಾ ನೆವನೊಡು ಮಾನಸಿಕ ಖಿನ್ನತೆಗ್ ಪೋದಿತ್ತಲ್ ಪನ್ದ್ ಪನೊಂದುಲ್ಲೆರ್.