Last updated on September 10th, 2025 at 02:41 pm
ಕಟ್ಪಾಡಿ: ಉಗ್ಗೆಲ್ಗ್ ಬೂರ್ದಿನ ಚಿಟ್ಟೆಪಿಲಿತ ಕಿನ್ನಿದ ರಕ್ಷಣೆ ಮಲ್ದಿನ ನಡಕೆ ಮಣಿಪುರ ಗ್ರಾಮೊದ ಸಿ.ಎಸ್.ಐ.ಚರ್ಚ್ ದ ಕೈತಲ್ ಕೋಡೆ, ಅಂಗಾರೆ ನಡತ್ದ್ಂಡ್.
ಮಣಿಪುರ ಗ್ರಾಮ ಪಂಚಾಯತ್ ಉಪಾಧ್ಯಕ್ಷೆ ಜೋನ್ ಸಿಕ್ವೇರಾ ಮೆರೆನ ಪಲಯೆ ಜೇಕಬ್ ಸಿಕ್ವೇರಾ ಮೆರೆನ ಇಲ್ಲಡ್ ತೋಟದ ಉಗ್ಗೆಲ್ಗ್ ಚಿಟ್ಟೆಪಿಲಿತ ಕಿನ್ನಿ ಒಂಜಿ ಬೂರ್ದಿತ್ತ್ದ್, ಈ ಬಗೆಟ್ ಅರಣ್ಯ ಇಲಾಖೆಗ್ ಒಲವು ಕೊರ್ದು, ಜಾಗೆಗ್ ಬತ್ತಿನ ಅರಣ್ಯ ಇಲಾಖೆ ಅಧಿಕಾರಿಲು ಕಾರ್ಯಾಚರಣೆ ಮಲ್ತ್ದ್ ಚಿಟ್ಟೆಪಿಲಿನ್ ಉಗ್ಗೆಲ್ರ್ದ್ ಪಿದಯಿ ದೆತ್ತ್ದ್ ಸೋಮೇಶ್ವರ ಅಭಯಾರಣ್ಯೊಗು ಕೊನೊದು ಬುಡ್ತೆರ್.
ಜೇಕಬ್ ಸಿಕ್ವೇರಾ ಮೆರೆನ ತೋಟದ ಉಗ್ಗೆಲ್ದ ನೀರ್ದ ಪಂಪ್ ಆನ್ ಆವಂದೆ ಇತ್ತಿನೆರ್ದಾವರ ಮಧ್ಯಾಹ್ನದ ಪೊರ್ತು ಪೋದು ತೂನಗ ಚಿಟ್ಟೆಪಿಲಿ ಉಗ್ಗೆಲ್ಡ್ ಇಪ್ಪುನ ತೋಜಿದ್ ಬೈದ್ಂಡ್.
ಸುಮಾರು 2-3 ವರ್ಸ ಪ್ರಾಯೊದ ಪೊಣ್ಣು ಕಿನ್ನಿ ಆದಿತ್ತ್ದ್, ಆರಣ್ಯ ಇಲಾಖೆದಕುಲು ಬೊಕ್ಕ ಎನ್.ಜಿ.ಒ ಒಡಿಪುದ ಅಕ್ಷಯ್ ಶೇಟ್ ಅಂಚೆನೇ ನೆರೆಕರೆತಕ್ಲೆನ ಸಕಾಯೊಡು 2 ಗಂಟೆದಾತ್ ಪೊರ್ತು ಕಾರ್ಯಾಚರಣೆ ಮಲ್ತ್ದೆರ್.