Last updated on September 11th, 2025 at 09:34 am
ಬೊಲ್ತೇರ್: ಕುಡುಮಡ್ 27ನೇ ವರ್ಸೊದ ಭಜನಾ ಕಮ್ಮಟ ಸೆ. 14 ರ್ದ್ 21ರ ಮುಟ್ಟ ನಡಪರೆಗುಂಡು ಪನ್ದ್ ಭಜನ ಕಮ್ಮಟೊದ ಸಂಚಾಲಕೆ ಸುಬ್ರಹ್ಮಣ್ಯ ಪ್ರಸಾದ್ ಬೊಕ್ಕ ಕಾರ್ಯ ದರ್ಶಿ ಎ.ವಿ. ಶೆಟ್ಟಿ ತೆರಿಪಾದೆರ್.
ಪುಗರ್ತೆದ ಗಾಯಕೆರಾಯಿನ ಶಂಕರ್ ಶಾನುಭಾಗ್, ಅರ್ಚನಾ ಉಡುಪ, ರಾಮಕೃಷ್ಣ ಕಾಟುಕುಕ್ಕೆ, ಉಷಾ ಹೆಬ್ಬಾರ್ ಮಣಿಪಾಲ, ಸೌಮ್ಯಾ ಸುಭಾಷ್ ಧರ್ಮಸ್ಥಳ, ಮಂಗಲದಾಸ ಗುಲ್ವಾಡಿ, ವಿದುಷಿ ಚೈತ್ರಾ ಉಜಿರೆ, ಸುನಿಲ್ ಶೆಟ್ಟಿ ಧರ್ಮಸ್ಥಳ ಸಂಪನ್ಮೂಲ ವ್ಯಕ್ತಿಲಾದ್ ಕಮ್ಮಟೊಡು ಒಲವು, ಮಾರ್ಗದರ್ಶನ ಕೊರ್ಪೆರ್.
ದಿನೋಲ ಮಧ್ಯಾಹ್ನ 12 ಗಂಟೆ ರ್ದ್ 1 ಗಂಟೆ ಮುಟ್ಟ ಧಾರ್ಮಿಕ ಉಪನ್ಯಾಸ, ಬಯ್ಯ ಗಂಟೆ 5.30 ರ್ದ್ ನಗರ ಭಜನೆ ಉಂಡು. ಸೆ. 21ತಾನಿ ಸಮಾರೋಪ ನಡಪರೆಗುಂಡು, ಕಾಂಡೆ 10 ಗಂಟೆರ್ದ್ 400 ಭಜನ ಕೂಟೊಲೆನ ಆಜಿ ಸಾರ ಭಜನಾಪಟುಕ್ಲೆರ್ದ್ ಶೋಭಾ ಯಾತ್ರೆ, ಅಮೃತ ವರ್ಷಿಣಿ ಸಭಾಭವನಡ್ ಸಾಮೂಹಿಕ ನಲಿಕೆ ಭಜನೆ ಉಂಡು.
ಉದಿಪನ
ಸೆಪ್ಟೆಂಬರ್ 14ತಾನಿ ಕಾಂಡೆ 11 ಗಂಟೆಗ್ ಮಹೋತ್ಸವ ಸಭಾಭವನೊಡು ಬೆದ್ರದ ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನೊದ ಗುರ್ಕಾರೆ ಡಾ.ಎಂ. ಮೋಹನ ಆಳ್ವೆರ್ ಭಜನ ಕಮ್ಮಟೊದ ಉದಿಪನ ಮಲ್ಪುವೆರ್. ಮಾಣಿಲದ ಮೋಹನದಾಸ ಸ್ವಾಮೀಜಿ ಆಶೀರ್ವಚನ ಕೊರ್ಯೆರ ಉಲ್ಲೆರ್. ಕಾವಂದೆರ್ ಡಾ. ಡಿ. ವೀರೇಂದ್ರ ಹೆಗ್ಗಡೆರೆನ ಗುರ್ಕಾರ್ಮೆಡ್ ನಡಪುಂಡು ಪನ್ದ್ ಪ್ರಕಟಣೆ ತೆರಿಪಾದ್ಂಡ್.