ಕುಡ್ಲ : ವೀಸಾ ದೆಪ್ಪಾದ್ ಕೊರ್ಪ, ಬೇಲೆ ದೆಪ್ಪಾದ್ ಕೊರ್ಪ ಪನ್ಡ್‌ದ್ ದಗೆ – ಇರ್ವೆರ್ ಅರೆಸ್ಟ್

Last updated on October 30th, 2025 at 10:54 am

ಕುಡ್ಲ, ಅ. 30: ಪರದೇಸೊಡು ಬೇಲೆ ಮಲ್ಪೆರ ವೀಸಾ ದೆಪ್ಪಾದ್ ಕೊರ್ಪೆ ಪನ್ದ್ ಪಾಕ ಜನನ್ ನಂಬಾದ್ ಅಕ್ಲೆನ ಕೈರ್ದ್ ಕಾಸ್ ಗೆತೊಂದು ಬೊಕ್ಕ ಬೇಲೆ ದೆಪ್ಪಾದ್ ಕೊರೊಂದೆ ದಗೆ ಮಲ್ತೊಂದಿತ್ತಿನ ಆರೋಪಡ್ ಇರ್ವೆರೆನ್ ಕುಡ್ಲ ಕಾವೂರು ಪೊಲೀಸೆರ್ ಕೈದ್ ಮಲ್ತ್‌ದೆರ್. ಕೈದಾತಿನಕ್ಲೆನ್ ಬೆಂಗಳೂರ್‌ದ ಆನೆಕಲ್ ತಾಲೂಕ್‌ದ ಪ್ರಕೃತಿ ಯು (34) ಬೊಕ್ಕ ಕುಂದಾಪುರ ತಾಲೂಕ್‌ದ ಗಂಗೊಳ್ಳಿದ ಆಲ್ಡನ್ ರೆಬೇರೋ (42) ಪನ್ದ್ ಗುರ್ತ ಪತ್ತ್‌ದೆರ್.

ಕಾವೂರು ಸ್ಟೇಷನ್ ಸೀಮೆಡ್ ಪಾಕ ಜನಕ್ ಪರದೇಸೊಡು ಬೇಲೆ ಮಲ್ಪೆರ ವೀಸಾ ದೆಪ್ಪಾದ್ ಕೊರ್ಪ ಪನ್ಡ್‌ದ್ 1 ಕೋ.ರೂಪಾಯಿರ್ದ್‌ಲಾ ಎಚ್ಚ ಕಾಸ್ ಗೆತೊಂದು ದಗೆ ಮಲ್ತೊಂದುಪ್ಪುನ ಬಗೆಟ್ ಪ್ರಕರಣ ದಾಕಲಾದಿತ್ತ್ಂಡ್. ಆರೋಪಿಲು ಜನೊಕ್ಲೆಡ ಪಾಸ್‌ಪೋರ್ಟ್‌ಲೆನ್ ಗೆತೊಂದು ಇಲ್ಲಡ್ ಅಕ್ರಮವಾದ್ ದೀವೊಂದಿತ್ತೆರ್‌ಗೆ. ಆ ಪ್ರಕಾರ ಕಾರ್ಯಾಚರಣೆ ಮಲ್ತಿನ ಪೊಲೀಸೆರ್ ಆರೋಪಿಲೆ ಕೈರ್ದ್ 24 ಪಾಸ್‌ಪೋರ್ಟ್‌, 43 ಗ್ರಾಂ ಬಂಗಾರ್ (ಅಂದಾಜಿ ಮೌಲ್ಯ 4,30,000 ರೂ.) ಬೊಕ್ಕ 2 ಮೊಬೈಲ್‌ಲೆನ್ ಬೆಂಗಳೂರುಡು ಸ್ವಾಧೀನೊಗು ಗೆತೊಂದು ಆರೋಪಿಲೆನ್ ನ್ಯಾಯಂತಡೆಕ್ ಲೆತೊಂದು ಪೋತೆರ್.

ಬಡಕಾಯಿ ಕುಡ್ಲ ಉಪವಿಭಾಗೊದ ಎ.ಸಿ.ಪಿ. ಶ್ರೀಕಾಂತ್ ಕೆ. ಮಾರ್ಗದರ್ಶನೊಡು ಕಾವೂರು ಪೊಲೀಸ್ ಸ್ಟೇಶನ್‌ದ ಇನ್‌ಸ್ಪೆಕ್ಟರ್ ರಾಘವೇಂದ್ರ ಎಂ. ಬೈಂದೂರು, ಎಸ್ಸೈ ಮಲ್ಲಿಕಾರ್ಜುನ ಬಿರಾದಾರ, ಸಿಬ್ಬಂದಿ ನಾಗರತ್ನ, ರಾಘವೇಂದ್ರ, ಪ್ರವೀಣ್, ರಿಯಾಝ್ ಕಾರ್ಯಾಚರಣೆ ಮಲ್ತಿತ್ತೆರ್.