Last updated on August 5th, 2026 at 08:37 am
06 ಆಗಸ್ಟ್ 2026, ತುಳು ಬಾಸೆದ ಇತಿಯಾಸೊಡು ಒಂಜಿ ಪೆರ್ಮೆದ ದಿನೊ. ಭಾರತೊದ 23ನೇ ವಿಕಿಪೀಡಿಯ ಆದ್ ತುಳು ವಿಕಿಪೀಡಿಯ ಪತ್ತ್ ವರ್ಸೊ ಉಚ್ಚಯೊದ ಸಂಬ್ರಮೊಡು ಉಂಡು.
ಸ್ವಯಂಸೇವಕೆರ್ನ ಸ್ವಾರ್ತ ಇದ್ಯಾಂತಿನ ಬೇಲೆ, ಒತ್ತಟ್ಟ್ದ ಪರಿಶ್ರಮ ಬುಕ್ಕೊ ತುಳು ಬಾಸೆದ ಮೋಕೆಡ್ ಬೆಂದಿನೆಡ್ದಾರೊ ಇತ್ತೆ ತುಳು ವಿಕಿಪೀಡಿಯಡ್ 3,700ಡ್ದ್ ಜಾಸ್ತಿ ಬರವುಲು ಉಂಡು. ಲೋಕೊರ್ಮೆ ತುಳು ಬಾಸೆ, ಸಂಸ್ಕೃತಿದ ಗೇನೊನು ಪದ್ರುನ ಅಂಚನೆ ಪ್ರಪಂಚೊದ ಗೇನೊನು ತುಳುವೆರ್ ಪಟ್ಟೊನುನ ಮಲ್ಲ ಗೇನೊತ ಪತ್ತಾಯೊ ಆತ್ ತುಳು ವಿಕಿಪೀಡಿಯಾ ಇನಿ ಬುಲೆವೊಂದುಂಡು.
ತುಳು ವಿಕಿಪೀಡಿಯಾದ ಪದುಕೆರ್ ಈ ಪೆರ್ಮೆಡ್ ಪಾಲ್ ದೆತೊನ್ನ ಮಾಂತ ಸ್ವಯಂಸೇವಕೆರೆಗ್, ಬೆರಿಸಾಯ ಕೊರ್ತಿನಕ್ಲೆಗ್ ಬುಕ್ಕೊ ಓದುನಕಲೆಗ್ ಮುಕೇನಉಡಲ್ ದಿಂಜಿ ಸೊಲ್ಮೆಲೆನ್ ಸಂದಾವೊಂದುಲ್ಲೆರ್. ತುಳು ವಿಕಿಪೀಡಿಯಾ ಪ್ರಪಂಚೊಗು ಲೈವ್ ಆಯಿನೆಡ್ದ್ ಬುಕ್ಕೊ ತುಳು ವಿಕ್ಷನರಿ, ತುಳು ವಿಕಿಸೋರ್ಸ್ ನಮೊಕ್ಕ್ ನಾಡ್ಂಡ ತಿಕುಂಡು. ತುಳು ಸಂಸ್ಕೃತಿನ್ ಪ್ರತಿಬಿಂಬಿಪುನ ಆರಾಧನೆ, ಆಚರಣೆ, ನಲಿಕೆ, ಗೊಬ್ಬುಲು, ಒನಸ್ ತೆನಸ್ಲು ಇಂಚಪೂರ ಮಲ್ಲ ಗೇನೊದ ಪೊದಿಕೆನ್ ಸಂಪೊಲಿಪಿಯರ, ನನಾತ್ ಮಲ್ಲೆ ಮಲ್ಪಿಯರ ತುಳುವೆರಾಯಿನ, ಕಲ್ಪಾದಿಲಾಯಿನ ನಮೊ ಕೈ ಗೋಡ್ಯಾಂಡ ಮಲ್ಲ ಗೇನೊನು ಪ್ರಪಂಚೊಗು ಕೊರೊಲಿ. ನಿಕ್ಲೆ ಸಾಕಾರೊ ಏಪಲಾ ಬೋಡು ಪನ್ದ್ ಯೂಸರ್ ಗ್ರೂಪ್ದ ಪದಕುಕೆರ್ ತೆರಿಪಾದೆರ್.