ವಾಮಂಜೂರ್: ಕುಡ ಜರಿಂಡ್ ಕೆತ್ತಿಕಲ್‌‌ದ ಬರೆ- ಅವೈಜ್ಞಾನಿಕ ಬೇಲೆದ ಆರೋಪ

Last updated on August 5th, 2026 at 11:52 am

ಕುಡ್ಲ, ಆ. 05: ವಾಮಂಜೂರ್‌ದ ತಿರುವೈಲ್ ಶಾಲೆದ ಕೈತಲ್ ಕೆತ್ತಿಕಲ್ಲ್ ಗುಡ್ಡೆದ ಬರೆ ಅಂಗಾರೆ ಕುಡ ಜರಿದಿತ್ತ್‌ದ್, ನೇಲ್ಯ ಬಂಡೆಲು ಬೊಕ್ಕ ಮಣ್ಣ್ ಸಾದಿಡ್ ಉಂಡು.

ಕೆಲ ದಿನೊಕು ದುಂಬು ಉಂದೇ ಜಾಗೆಡ್ ಇಂಚನೇ ಬರೆ ಜರಿದಿತ್ತ್ಂಡ್, ಅಪಗ ಗುಡ್ಡೆದ ಮಣ್ಣ್ ಪೆರ್ಸಾದಿಗ್ ಬೂರ್ದಿತ್ತ್ಂಡ್. ಆ ನಡಪುರ್ದ್ ಬೊಕ್ಕ, ಆ ಜಾಗೆಡ್ ಒಂಜಿ ಮೆಯಿತ ಸಾದಿಡ್ ಮಾತ್ರ ಪೋಯೆರ ಬುಡೊಂದಿತ್ತೆರ್. ಕರಿನ ರಡ್ಡ್ ದಿನೊರ್ದು ದೊರಿಯೊಂದುಪ್ಪುನ ಬರ್ಸರ್ದಾವರ ಕುಡೊರ ಬರೆ ಜರಿದಿತ್ತ್‌ದ್, ಅಂಗಾರೆ ಮದ್ಯಾನದ ಅಂದಾಜಿಗ್ ಮಲ್ಲ ಪ್ರಮಾಣೊದ ಮಣ್ಣ್ ಬೊಕ್ಕ ಬಂಡೆಕಲ್ಲ್ ಜರಿದ್ ಬೂರ್ದ್ಂಡ್. ಗುಡ್ಡೆ ಸಿಲೆ ಬುಡ್ದಿತ್ತ್‌ದ್, ನನಲಾತ್ ಜರಿಪುನ ಪೋಡಿಗೆ ಎಚ್ಚ ಮಲ್ದ್ಂಡ್.

ಕರಿನ ವರ್ಸೊದ ಭಾರೀ ಬರ್ಸೊದ ಪೊರ್ತುಡು ಕೆತ್ತಿಕಲ್ಲ್‌ಡೆ ಅಲ್ಪಲ್ಪ ಬರೆ ಜರಿದಿತ್ತ್ಂಡ್. ಆ ಪೊರ್ತುಡು, ಜಿಲ್ಲಾಧಿಕಾರಿ ರಾಷ್ಟ್ರೀಯ ಪೆರ್ಸಾದಿ ಪ್ರಾಧಿಕಾರೊದ ಅಧಿಕಾರಿಲೆಗ್ ಗರ್ತಿನ ಜಾಗೆಲೆಡ್ ದುಂಬೆಚ್ಚರ್ಗೆದ ಕ್ರಮೊಕುಲೆನ್ ಗೆತೊನ್ರ ಸೂಚನೆ ಕೊರ್ದಿತ್ತೆರ್.

ಆಂಡ ತಿರುವೈಲ್ ಶಾಲೆದ ಕೈತಲ್ ಸಮ ದುಂಬೆಚ್ಚರ್ಗೆದ ಕ್ರಮ ಗೆತೊಂದಿಜೆರ್ ಪನ್ದ್ ಊರ್‌ದಕುಲು ಆರೋಪ ಮಲ್ತ್‌ದೆರ್. ವೈಜ್ಞಾನಿಕವಾದ್ ಗುಡ್ಡೆ ಗರಿಪುನೆರ್ದಾವರ ಗಡೀ ಗಡಿ ಬರೆ ಜರಿಯೊಂದುಂಡು ಪನ್ದ್ ಆರೋಪ ಮಲ್ತ್‌ದೆರ್.