Last updated on September 16th, 2026 at 09:25 am
ಕಾರ್ಲ, ಸೆ.15: ತಾಲೂಕ್ ಕಚೇರಿದ ಕೈತಲ್ ಜೋಕ್ಲೆನ ಉದ್ಯಾನವನೊದಲ್ಪ ಸುಮಾರ್ ಒಂಜರೆ ವರ್ಸರ್ದ್ ರಡ್ಡ್ ವರ್ಸೊದುಲಯಿದ ಆಣ್ ಕಡಮ್ಮ ಒಂಜಿ ಅಂಗಾರೆ ಸೈದಿನ ಸ್ಥಿತಿಟ್ ತಿಕ್ಕ್ದ್ಂಡ್.
ಕುಕ್ಕಂದೂರು ಗ್ರಾಮೊದ ಕಾಡ್ಜಾಗೆರ್ದ್ ಸಾದಿ ತತ್ತ್ದ್ ಕಡಮ್ಮ ಈ ಜಾಗೆಗ್ ಬತ್ತುಪ್ಪು ಪನ್ದ್ ಅರಣ್ಯ ಇಲಾಖೆ ಅಂದಾಜಿ ಮಲ್ದ್ಂಡ್. ಕಾಂಡೆ ವಾಕಿಂಗ್ ಪೋದಿತ್ತಿನಕುಲು ಕಡಮ್ಮದ ಪುನ ತೂದು ಅಪಗನೇ ಸಂಬಂಧಿತಿನ ಅಧಿಕಾರಿಲೆಗ್ ಒಲವು ಕೊರ್ತೆರ್.
ಒಲವು ತಿಕ್ಕಿನ ಅರಣ್ಯ ಇಲಾಖೆ ಸಿಬ್ಬಂದಿ ಜಾಗೆಗ್ ಬತ್ತ್ದ್ ಪರಿಶೀಲನೆ ಮಲ್ತ್ದೆರ್. ಕಡಮ್ಮದ ತರೆ ಬೊಕ್ಕ ಕೊಂಬುದ ಭಾಗೊಡು ಕಿಞ್ಞ ಕಿಞ್ಞ ಗಡಿಕುಲು ತೋಜಿದ್ ಬೈದ. ಪಶುವೈದ್ಯೆರೆ ಪ್ರಾಥಮಿಕ ಪರಿಶೀಲನೆದ ಪ್ರಕಾರ, ಪೋಡಿಗೆಡ್ ಹಾರ್ಟ್ ಅಟ್ಯಾಕ್ ಆದ್ ಕಡಮ್ಮ ತೀರ್ದಿನ ಸಾಧ್ಯತೆ ಉಂಡುಗೆ.
ಕಡಮ್ಮ ತೀರ್ಯೆರ ಪತ್ತ ನೆವನ ತೆರಿಯೆರ ಮರಣೋತ್ತರ ಪರೀಕ್ಷೆ ಮಲ್ತೊಂದುಲ್ಲೆರ್. ಮರಣೋತ್ತರ ಪರೀಕ್ಷೆದ ವರದಿ ಬತ್ತಿಬೊಕ್ಕನೇ ಸಾವುದ ಪತ್ತ ನೆವನೊದ ಬಗೆಟ್ ತೆರಿದ್ ಬರು ಪನ್ದ್ ಕಾರ್ಲ ವಲಯ ಅರಣ್ಯಾಧಿಕಾರಿ (ಆರ್ಎಫ್ಒ) ಅರುಣ್ ತೆರಿಪಾದೆರ್.