ತತ್ತ್ಂಡ್ ಒಂಜಿ ಮಾಮಲ್ಲ ದುರಂತ!!! ಕುಡ್ಲ ವಿಮಾನ ಉಂತಡೆಡ್ ಆಯಿನಿ ದಾದ?

Last updated on November 17th, 2026 at 11:42 am

ಕುಡ್ಲ: ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ಉಂತಡೆಡ್ ಸೋಮವಾರ (ನ.16) ಬಯ್ಯಡ್ ಪೈಲಟ್‌ನ ಸಮಯಪ್ರಜ್ಞೆರ್ದಾವರ ಮಾಮಲ್ಲ ವಿಮಾನ ದುರಂತ ಒಂಜಿ ತತ್ತ್‌ದ್ಂಡ್.

229 ಜನ ಪ್ರಯಾಣಿಕೆರ್ ಬೊಕ್ಕ ಏಳ್ ಜನ ಸಿಬಂದಿ ಇತ್ತಿನ ಇಂಡಿಗೋ ವಿಮಾನ ಬಯ್ಯ 6.10ಕ್ ಬೆಂಗಳೂರ್‌ಗ್ ಪಿದಡ್ದಿತ್ತ್ಂಡ್. ರನ್‌ ವೇ ಡೆ ಪೋದು ನನ ದಾನೆ ಟೇಕ್‌ ಆಫ್‌ಗ್ ಸುಮಾರ್ 100 ಮೀ. ಮಾತ್ರ ಬಾಕಿ ಉಂಡುಂದಾನಗ ವಿಮಾನೊದ ತಿರ್ತಮೆಯಿಟ್ ಸೂತ ಕಿಟಿ ತೋಜಿದ್ ಬೈದ್ಂಡ್. ಇಂದು ಪೈಲಟ್‌ನ ಗುಮನೊಗು ಬತ್ತಿನೇ ಎಮರ್ಜೆನ್ಸಿ ಬ್ರೇಕ್ ಪಾಡ್ದ್ ವಿಮಾನೊದ ಬೀಸನ್ ಕಮ್ಮಿ ಮಲ್ತ್‌ದ್ ರನ್‌ವೇ ಡೆ ವಿಮಾನೊನು ಉಂತಾದೆರ್. ನಡಪುರ್ದಾವರ ವಿಮಾನೊದ ಒಂಜಿ ಚಕ್ರ ಪುಡದ್ಂಡ್ ಪನ್ದ್ ತೆರಿದ್ ಬೈದ್ಂಡ್.

ವಿಮಾನ ಉಂತಡೆ ಬೊಕ್ಕ ವಿಮಾನಯಾನ ಸಂಸ್ಥೆದ ಸಿಬ್ಬಂದಿ ಪ್ರಯಾಣಿಕೆರೆಗ್ ಉಂತಘರೆ ವ್ಯವಸ್ಥೆ ಸೇರ್ದ್ ಬೋಡಾಪಿನ ಸಕಾಯ ಒದಗಾದ್ ಕೊರ್ತೆರ್. ರಾತ್ರೆ 11.05 ಕ್ ಪಗತೆ ವಿಮಾನ ಬತ್ತ್‌ದ್, ರಾತ್ರೆ 11.30ಕ್ಕ್ ಬೆಂಗಳೂರ್‌ಗ್ ಪೋತುಂಡು.

ನಡಪುರ್ದ್ ಬೊಕ್ಕ ವಿಮಾನಯಾನ ಸಂಸ್ಥೆದ ಎಂಜಿನಿಯರಿಂಗ್ ಕೂಟ ವಿಮಾನೊದ ತಾಂತ್ರಿಕ ಪರಿಶೀಲನೆ ಮಲ್ತ್‌ದ್ಂಡ್. ಬೊಕ್ಕ ವಿಮಾನೊನು  ಎಒಜಿ (Aircraft on Ground) ಪನ್ದ್ ಘೋಷಣೆ ಮಲ್ತ್‌ದ್ಂಡ್. ಈ ವಿಮಾನ ನನ ರಿಪೇರಿ ಆದ್ ಬೊಕ್ಕನೇ ಸಂಚಾರ ಯೋಗ್ಯ ಆವೊಡಾತೆ.

ತಾಂತ್ರಿಕ ದೋಷ ಪೈಲಟ್‌ನ ಗುಮನೊಗು ಬತ್ತಿಬೊಕ್ಕಲಾ ‘ಎಲ್ಯವು’ ಪನದ್ ಗೋಸ್ಮರಿ ಮಲ್ತ್‌ದ್ ವಿಮಾನ ರಾಪಾದುಂಡ ಮಲ್ಲ ಅನಾಹುತ ಆಪಿನ ಸಾಧ್ಯತೆ ಇತ್ತ್ಂಡ್. ಟೇಕ್‌ಆಫ್ ಮಲ್ಪಂದಿನೃರ್ದಾವರ ನಡಪರೆ ಇತ್ತಿನ ಅನಾಹುತ ತತ್ತ್‌ದ್ಂಡ್.. ಪಗತೆ ವಿಮಾನ ಬರ್ಪಿನೇಟ ಕೆಲ ಪ್ರಯಾಣಿಕೆರೆಗ್ ಕೈತಲ್ದ ಹೊಟೇಲ್‌ಲೆಡ್ ಉಂತೆರೆ ವ್ಯವಸ್ಥೆ ಮಲ್ತಿತ್ತೆರ್ ಪನ್ದ್ ಒಲವು ತಿಕ್ಕ್‌ದ್ಂಡ್.

Leave a Reply

Your email address will not be published. Required fields are marked *

Share
error: Content is protected !!